Dei fleste som var i skibakken måndag var unge og gamle frå Austlandet som var heime på vinterferie, eller som prøvde anlegget for fyrste gong.
– Eg kjem frå Bærum, det er ikkje så fint der, det er mykje finare her, seier Johanne Welle Smogeli som er med mor og far på vinterferie.
I løpet av helga var det innom nærare 4000 besøkande innom, og dei som driv skianlegga opplever at det er fleire som vil opp i fjellheimen.
No, når anlegget på Strandafjellet er nesten ferdig, har dei byrja å tenkje på større arrangement. Dei som tek turen for å konkurrere her, vil få ei oppleving dei ikkje finn andre plassar i verda.
– Det er veldig, veldig bra. Du kan like godt reise hit som å reise til alpane, seier skiturist Jan Welle.
Draumedagar på Strandafjellet
Stranda Skisenter har planar om å få World Cup-renn til bygda igjen, etter at dei opna skandinavias største og høgste skiheis sist helg. Forholda dei siste dagane gjer at optimismen er på topp, og skientusiastane kosar seg.
