Nettselskapa tapte enorme summar

Mange tusen husstandar var utan straum etter uveret Dagmar 1. juledag, og no får nettselskapa svi økonomisk.

Stor rekning

Rekninga kjem på 159 millionar kroner. Det viser ei førebels oversikt som beredskapsleiar for kraftforsyninga i fylket, Svein Rødal, presenterte for Mørebenken og fylkespolitikarane i førmiddag.

Kostnadene skuldast korte og lange straumavbrot, pluss reparasjonar av skadar.

• Les også: – Det burde ikkje vere naudsynt å skrive formell søknad om erstatning
• Les også: «Dagmar» tok strømmen fra hver fjerde nordmann
• Les også: "Dagmar" vart dyr for kraftselskapa

Raude tal

– For nettselskapa vil dette svi. Eg trur svært mange vil få raude tal i rekneskapen i 2011, seier Rødal. Han meiner at det i slike ekstreme tilfelle, burde ha vore mogleg å søkje om dispensasjon frå regelverket.

Er det noko håp om det?

– Nei, vi skal ikkje vere veldig optimistisk, seier Rødal

I tillegg til å tape inntekter fordi dei ikkje har levert straum, må nettselskapa også betale erstatning til kundar som var utan straum meir enn 12 timar.