Mannen blei rutinemssig sikta då han blei tatt inn til avhøyr, men blei sett fri etter at politiet hadde sjekka alibiet hans i går kveld.
Politiet ønskjer framleis å kome i kontakt med personar som kan ha sett noko i området der brannane starta og jobbar framleis med å sikre seg tekniske bevis.
Det var i 8.20-tida måndag morgon at dei første brannmeldingane kom inn til politiet. Då viste det seg at to søppelkontainarar sto i fyr, og to tidtakarbuer var sett i brann.
Vitne rapporterte om at dei hadde sett ein mannsperson springe frå brannstaden.
Ei stund seinare tok det fyr i eit vedlager ved Vardevegen i Molde.
Politiet er sikre på at brannane var påsette, og tok ein ung mann inn til alibisjekk. Denne mannen har site i arresten i heile natt, men blei sett fri tysdag formiddag.
