OPPDATERING TORSDAG: Den nye prøva viste seg å vere negativ for koronaviruset. Dermed har barnet berre vanleg luftvegsinfeksjon.
Molde kommune kalte inn ekstra legeressursar, og gjekk i gang med å spore opp alle som har vore i kontakt med eit mogleg koronasmitta barn som høyrer heime i Eidsvåg.
– Det at vi har fått ein mogleg positiv test på eit barn med så mange potensielt eksponerte tar vi på stort alvor, seier kommuneoverlege Cato Innerdal i Molde.
Første prøve blei rekna som svakt positiv. Det blei tatt nye prøver for å stadfeste om dette faktisk er ei positiv prøve, og resultatet viste seg å vere negativt.
Barnet er skriven ut av Kristiansund sjukehus, og er no på veg til å bli betre frå luftvegsinfeksjonen.
- Denne pasienten har blitt behandla som smitta av koronavirus, og 15 - 20 tilsette har vore satt i karantene som følge av dette. Så det er svært gledeleg, både for familien og for oss, at dette vart det endelege resultatet, seier fagdirektør i Helse Møre og Romsdal, Torstein Hole i ei pressemelding.
To barnehagar, ein grunnskule, ein idrettshall og legekontor blei stengt i kommunen.
100 personar i karantene
Barnet blei lagt inn på barneavdelinga i Kristiansund, som blei stengt for nye pasientar fram til endeleg prøve skulle bli klar.
– Vi handterer dette som ei positiv prøve fram til anna er avklart. Vi har sett i gang omfattande arbeid med mikroppsporing, seier Innerdal.
Onsdag kveld var vel 100 personar så langt sett i karantene. Det inkluderer blant anna alle barn og tilsette på barnehagane.
Barnet blei lagt inn på sjukehuset i Kristiansund. No er det skriven ut.
Foto: Marius André Jenssen Stenberg / NRKTilstanden er stabil
Tilstanden til barnet har vore stabilt, og barneavdelinga har gjort dei smitteverntiltaka som er nødvendig.
Torstein Hole er fagdirektør i Helse Møre og Romsdal.
Foto: Øyvind Sandnes / NRK– Barnet har ein luftvegsinfeksjon, og blei rutinemessig testa på sjukehuset, seier Fagdirektør i Helse Møre og Romsdal, Torstein Hole.
Barnet var også i ein dåp sist helg, der det skal ha vore mellom 20 og 30 personar. Kommunen jobba med å spore opp alle desse for å sette dei i karantene.
Legen som jobbar på det stengte legekontoret blei sett i karantene.
