Atlanterhavstunnelen blir stengt
Atlanterhavstunnelen blir heilt stengt mellom klokka halv åtte og halv ti i kveld. I tillegg blir den stengt med kolonnekøyring gjennom heile natta.
Grunnen er at fylkeskommunen og naudetatane skal ha ei beredskapsøving inne i tunnelen.
– Brann og ulykker inne i tunnelar er ei stor utfordring for naudetatane. Difor er det viktig at naudetatane får øve på hendingar, seier brannvernleiar Geir M. Larsen, brannvernleiar i Møre og Romsdal fylkeskommune.
