I dag vart namnestatistikken til Statistisk sentralbyrå offentleggjort. Den viser at etter over 30 års klatring er William det mest populære gutenamnet i landet. Emma er det namnet flest foreldre kallar jentebarna sine. I 2015 var det 449 jenter som fekk namnet. Emma er øvst på lista for 8. gang.
Men dei to namna er ikkje mest populære i alle fylke. I Møre og Romsdal er det Elias som toppar lista blant gutenamn.
Hos jentene i Møre og Romsdal er det to namn som er øvst på lista, Anna og Olivia. Olivia er saman med Ella og Maja nye namn på topp ti-lista, ifylgje SSB.
Blant heile befolkninga i Noreg er Anne det namnet som er mest brukt som første fornamn på kvinner. Over 53 000 menn har Jan som eitt av sine fornamn.
