Episoden skjedde i Volda rundt klokka 2 natt til søndag. Mannen skal ha fått lettare skader i hovudet og i ei hand. Politiet rykte ut og sak er oppretta.
Angreip drosjesjåfør – og politiet
Rundt klokka 01.30 natt til søndag, også i Volda, rykte politiet ut då ein mann i 20-åra angreip ein drosjesjåfør. Mannen nekta å gjere som politiet sa. Han vart så pågripen, men sette seg såpass kraftig i motverje at han blei meldt for vald mot politiet. Mannen er no varetektsfengsla.
Luftig hyrdestund
Klokka 02.20 fekk politiet i Ålesund ei bekymringsmelding om rusa personar på eit stillas. Det viste seg å vere eit par som hadde seg ei luftig hyrdestund, fleire meter over bakkenivå.
Høg musikk
Klokka 05.50 tok politiet i Ørsta grep då mange bilar spelte plagsamt høg musikk i sentrum. Førarane fekk advarselar og vart viste bort frå sentrum.
Narkotika
Laurdag kveld vart ein bil stoppa på Sula etter tips om vinglete køyring. Ein mann i 30-åra vart meldt for køyring i rus og tatt for å ha narkotika.
I Ålesund vart ein mann i 20-åra meldt for å ha mindre mengder narkotika i sin privatbustad i indre bydel.