Byen var utan smitte - no må 600 i karantene

Fleire hundre personar må i karantene og teste seg etter eit smitteutbrot i Kristiansund.

Kristiansund sentrum

Sju personar har fått påvist koronasmitte i Kristiansund. Kommunen jobbar med smittesporing.

Foto: Gunnar Sandvik / NRK

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

I lang tid har Kristiansund vore utan koronasmitte, og Møre og Romsdal har minst smitte av alle fylka i landet.

No er situasjonen snudd på hovudet for nordmørsbyen. Sju personar har fått påvist covid-19. Kommunen jobbar intenst med smittesporing. Fire av smittetilfella er knytt til serveringsstaden Rensvik Pizza og Grill.

– Det har vore veldig mange gjestar innom. Det kan dreie seg om opp mot 600 menneske, seier Tore Lyngvær. Han er kommunikasjonssjef i kommunen.

Alle som har vore og ete på restauranten sidan 18. september må i 10-dagars karantene frå den datoen dei var der. Kundar som har bestilt take away må i karantene dersom dei får symptom på luftvegssjukdom eller feber. I tillegg må personane teste seg.

Rensvik pizza og grill

Ingen har oversikt over kven som har vore på serveringsstaden. Fire smitta personar har fått påvist smitte etter å ha vore her.

Foto: Anne-Mari Flatset / NRK

Manglar gjesteoversikt

Utfordringa er at ingen har oversikt over kven som har vore på serveringsstaden, så kommunen er avhengig av at folk gjer som dei får beskjed om.

– Vi veit at både ei skuleklasse og eit fotballag har vore der. Elles trur vi at det er små grupperingar, seier Lyngvær.

Starter åpning av breddeidretten - flere kan gå på kamp

Smitta var på utestadar

I tillegg har kommunen ei anna komplisert smittesporing på gang. Ein person som var på besøk i Kristiansund i helga, har i etterkant testa positivt på korona.

Vedkomande besøkte fleire utestadar under opphaldet. Personar som har vore på utestaden Dråper etter klokka 21.00 laurdag kveld blir også bedne om å teste seg og gå i karantene.

– Vi veit ikkje kor mange dette kan gjelde, seier Lyngvær.

Koronatesting i Kristiansund.

Kommunen har auka testkapasiteten etter smitteutbrotet.

Foto: Eirik Haukenes / NRK

Aukar testkapasiteten

Kristiansund kommune har no dobla testkapasiteten for å få kontroll på situasjonen. Tysdag blei om lag 150 personar testa. Onsdag er målet å teste 180. Kommunen reknar med at dei første prøvesvara kan kome i kveld.

– Det verste som kan skje er at vi får ei smittebølge i Kristiansund som vi ikkje har oversikt over, seier Lyngvær.

Kristiansund kommune har skjerpa beredskapen til gult nivå og det er innført besøksstans på alle sjukeheimane.

Mer om koronaviruset

Status Norge

Sist oppdatert: 06.12.2021
22 029
Smittede siste 7 dager
295
Innlagte
1 096
Døde
4 229 770
Vaksinerte