Politiet jobbar framleis med å etterforske ei dødsulykke på Hareid i mars. Det opplyser politiadvokat Nina Aakre Blaasvær.

Ein mann i 40-åra omkom i ulykka som skjedde om bord i ein båt som låg til kai.

– Vi ventar framleis på nokre rapportar. I tillegg står det att nokre avsluttande avhøyr, seier politiadvokaten.

I etterkant av ulykka var både Arbeidstilsynet og Sjøfartsdirektoratet om bord i skipet for å gjere undersøkingar.

Ingen er sikta i samband med saka.