Lågare inntekter på Nordøyvegen

Trafikktala er høge, men lågare takstar og fleire elbilar gjer at inntektsgrafen peikar nedover for Nordøyvegen. Det skriv Nordre.

Totalt har Vegamot, på årets første åtte månadar, kravd inn i overkant av 30,2 millionar kroner frå bilistane på Nordøyvegen. Litt over 28,2 millionar kroner kjem frå passeringar med autopassavtale.

Vegamot vektlegg til avisa at det førebels er tendensar ein ser. Det finst ikkje tal å samanlikne med fordi historikken for bompasseringar ikkje er der.