Brannårsak er framleis ukjend
Det er framleis uvisst kva som starta brannen i Kirkegata i Ålesund på sundag. Krimteknikarane har gjort undersøkingar på staden, men har enno ikkje kome fram til nokon konklusjon, opplyser politiadvokat Yngve Skovly. Staden der brannen starta er ganske utbrend. – Vi har ingen haldepunkt for at det har skjedd noko straffbart, seier Skovly.
