- Vi håper at det også er ein marknad for silda i 2009, seier marknadsdirektør Jarle Hansen i Norges Sildesalslag.
Foreløpig går eksporten av sild tilnærma normalt, men langs heile kysten fyller torsken opp fryselagera.
Rekordkvote
At marknaden held seg er viktig for i år har fiskeflåten ei totalkvote på ein million tonn sild.
- Om vi regner på det er det eit sildemåltid kvar for meir enn halve jordas befolking, så det er enorme mengder som skal omsetjast, seier Hansen.
I fjor vart det eksportert sild for nesten fire milliardar kroner. Russland og Ukraina er dei største marknadane, men også Nigeria har hatt ein kraftig vekst.
Nei takk!
Omlag all silda som vert fanga langs norskekysten går til eksport og på norske restaurantmenyar er silda praktisk talt fråverande.
- Eg hadde det tidlegare, men det selde ikkje så det har vi ikkje denne sesongen, seier Ivar Breivik, innehavar og kokk på fiskeresturanten XL i Ålesund.
Han trur mellom anna gamle tradisjonar gjer at nordmenn ikkje et sild.
- Det var fattigmanskost før i tida og i dag heller våre tradisjonar meir mot julematen med sennepssild og tomatsild.
Men også utvalet i butikken har noko å seie for kva vi handler til middag og Breivik meiner at her må det ildskjeler og god marknadsføring til.
- Og så må vi få eit topp kvalitetsprodukt i daglegvarebutikken. Det får vi ikkje i dag.