Det mobile gasskraftverket på Nyhamna i Aukra kosta over ein milliard kroner, men ikkje ein einaste kilowatttime blir pordusert.
Kan levere straum i dag
Sprengkulda dei siste dagane har sendt både straumforbruket og prisen til himmels. No krev ordførar Bernhard Riksfjord i Aukra at gasskraftverket blir tatt i bruk.
- Her ligg det klart. Statnett kan om dei vil. Får dei beskjed om det, kan anlegget vere i gang alt i dag, seier Riksfjord.
Midt-Noreg er eige prisområde for straum. Prisen for ein kilowatttime vore på over åtte kroner. Det er seks gonger så mykje som på Austlandet. Liten kapasitet i straumnettet er ein av årsakene til prisskilnaden.
Les også:
- Start opp og bruk det
Det mobile gasskraftverket kan produsere straum nok til å dekke forbruket til ein middels stor norsk by eller heile gassanlegget Ormen Lange. Det trur arbeidarpartiordføraren ville fått prisen ned.
- Her ligg det nært Omen Lange-anlegget. Her ligg det klart, start opp og bruk det, seier Riksfjord.
Les også:
Ormen Lange-anlegget får straum frå mellom anna Sverige. Kulda gjer at svenskane fyrer opp sine gasskraftverk og sender straumen til Noreg.
- Det er ikkje noko meir forureinande å starte det opp her på Aukra enn andre stader, meiner Riksfjord.
- Ein veldig dårleg ide
Utspelet om oppstart av gasskraftverket bli ikkje helsa velkomen av regjeringskollega SV.
- Det er ein veldig dårleg ide. Det var i utgangspunktet ein dårleg ide å byggje gasskraftverka, det er ein endå dårlegare ide å sette dei i produksjon. ikkje start opp noko som er heilt grufullt, det er det mest forureinande du kan tenke deg, seier Bjørn Jacobsen (SV).