- Fornuftig å samle fødetilbodet

Sævik var tidlegare styreleiar i Helse Midt-Noreg, og foreslo for to år sidan å samle fødetilbodet i Volda.

Tysdag kom det fram at administrasjonen i både Helse Midt-Noreg og i Helse Vest vil ha dei fødande frå området nord for Nordfjorden til Volda i staden for til Nordfjordeid.

• Les meir: Vil flytte føden frå Eid til Volda

- Må utnytte synergiane

Sævik seier forslaget er nødvendig, og viser at styra i helseføretaka har teke eit steg i rett retning.

- Med staten sine investeringar på over to milliardar kroner i Eiksundsambandet og Kvivsvegen, så er det meiningslaust å ikkje nytte synergiane frå satsingane, seier han.

Les meir om striden rundt helseføretaka:

• Maner til distriktsopprør mot helseforetakene
• Ap går for fire fullverdige sykehus

- Ikkje sannspådd

Men trass i at han allereie for to år sidan foreslo dette, vil ikkje Sævik påstå at han er sannspådd.

- Eg er ei enkel sjel, så det skal eg ikkje påstå. Men det ligg klart oppe i dagen at denne typen synergi og effektivisering bør bli tatt ut. Ved å gjere det på denne måten er det med på å gje ei nødvendig vitamininnsprøyting til sjukehuset i Volda, meiner han.

Det har lenge vore strid om kva sjukehus dei fødande må reise til frå søre Sunnmøre og Nordfjord:

• Optimisme på føden i Volda
• –Må samle fødetilbodet i Volda
• Opnar for Volda
• Føde enten i Volda eller Eid

- Terrenget er alltid rett

Det er no opp til styra i Helse Midt-Noreg og Helse Vest å ta stilling til forslaget om å samle fødetilbudet for Nordfjord og Søre Sunnmøre i Volda.

I styret i Helse Midt-Noreg kjem forslaget til å bli møtt med glede. I styret i Helse Vest er dette truleg meir kontroversielt.

- Viss det er slik at kart og terreng ikkje stemmer, så er det alltid terrenget som er rett, seier Sævik.

- Viss grensa mellom Helse Vest og Helse Midt-Noreg er ein effektiv bremse for å ta ut nødvendige synergiar, så er det grensene som er feil, og ikkje nødvendigvis moglegheitene.