- Det er direktøren og styreleiaren i Helse Midt-Norge, seier Arbeidarpartiveteran i Kristiansund Harald Stokke.
Han har lese det private notatet fra møtet i departementet, og meiner føretaket ville ta frå Kristiansund fleire funksjonar.
- Viss ein les referatet ser ein at det er heilt andre som er skurkar oppe i dette, seier Stokke til NRK.
- Det triste er at det ikkje har kome fram, seier han.
- Ville hatt igjen medisinsk senter
For etter Stokke si meining er det direktøren og styreleiaren i Helse Midt-Noreg som er skurkane.
Saman med Stokke har Kristiansund-ordførar Per Kristian Øyen lest notatet. Dei er sjokkerte over det helseføretaket vil gjere med sjukehuset i Kristiansund.
- Dei vil kutte føde, ortopedi, kirurgi og barneavdelinga, står det i notatet, seier Øyen.
- Då sit me att med eit medisinsk senter i Kristiansund. Det planla altså Helse Midt-Noreg allereie i februar, seier han.
Les meir om sjukehusstriden her:
- Dette er demokrati
- Så starta dei ein prosess som dei kalla 2020, som heilt klart har vore ein skinnprosess. No er dei avslørte, ein gong for alle, seier ordføraren.
- Dette er ein skandale overfor folket i regionen.
Øyen og Stokke seier at dei har jobba for sjukehuset i Kristiansund, men ikkje jobba mot nytt sjukehus i Molde.
- Det som no har skjedd er demokrati, seier Stokke.
- Skiten krig
- Det er ikkje demokrati at det sit ein småkonge eller to oppe i Stjørdalen og trur dei skal avgjere korleis helsetilbodet skal vere i Møre og Romsdal, meiner han.
For demokratiet er når det blir utøvd av dei som er valde til å utøve makta, nemleg Stortinget, departementa og regjeringa.
- Det er dei, og ikkje Kolbjørn Almlid og Bovim i Stjørdal, seier Stokke.
- No blir det ført ein krig som er utruleg skiten, seier Per Kristian Øyen.
