Max Hellström, PR-sjef i Philips Avensis.
Foto: PhilipsPhilips Avent produserer både tåteflasker med og utan BPA, og fører fleire av flaskene som i testen .
Men Max Hellström, PR-sjef for selskapets nordiske avdeling, svarar i ein e-post til NRK at dei aktar å halde fram med å levere produkt med BPA.
- Begge typane er like trygge. Våre flasker med BPA oppfyller alle krav frå nasjonale styresmakter og EU.
Hellström meiner det er marknaden som styrer.
- Konsumentar spør etter både flasker med og utan BPA, difor forhandlar vi det også.
Nyttar ikkje merking
Symbol for polykarbonat.
På dei klassiske tåteflaskene til Philips Avent som inneheld BPA, står det ingenting om BPA-innhald verken på emballasjen eller på flaska.
Selskapet nyttar heller ikkje BPA-merkinga som enkelte produsentar nyttar - men som ingen er forplikta til å nytte - resirkuleringsteiknet med eit sjutal i midten.
Men Hellström er ikkje einig i at dei fører forbrukarane bak lyset.
- BPA er ein komponent i eit anna stoff; polykarbonat. Dette finst klart og tydeleg på pakninga til flaskene.
Billigare produksjon
Ekspertar frå fleire hald har advart mot at BPA kan vere kreftframkallande, og det blir jobba med forbod i mange land.
Men så lenge BPA ikkje er ulovleg, vil Philips Avent halde fram med produksjonen.
- For oss er det særs viktig å følgje dei reglane som finst, spesielt i produkt til barn. I dag tilbyr vi begge alternativ, fordi det enkelt og greitt er etterspørsel etter det, skriv Hellström.
Han innrømmer at pris også spelar inn.
- Flasker utan BPA er dyrare å produsere, og kostar difor litt meir for kunden.
- Les:
