Mannan gease lei Mama Sara nu go masaiat su gohččodit, Gunhild Berit Sara Buljo, mielde rahpamin ođđa skuvlla Loliondos. Mama Sara prošeakta maid lea veahkehan nuoraid váldit oahppu Tanzanias. Mama Sara prošeavttas leat huksen skuvllaid Loliondo gávpogii Tanzanias, sámi veahkkeorganisašuvdnabargun, mas ollu ruđa leat čohkkejuvvon sámi guovlluin, nu go kulturdoaluid bokte, vuorbevuovdimiin ja eará láhkai.
Gonagasbearaš oastán masaiaid guovllu
Dál boahtá ge ođas ahte 40.000 masaia Tanzania:s fertejit fárret eret iežaset árbevirolaš guovllus ovdal ođđajagi. Sivvan dasa lea go Dubaia gonagasbearaš áigu geavahit sin guovllu, mii lea láhka álbmotmeahci Serengeti, bivdo- ja safáriguovlun. Ráđđehus lea fállan 4 millijovnna ruvdnosaš buhtadusa masaiaide, muhto sii eai leat fuollan dan.
Mama Sara bivdá veahki
Dát sáhttá maid čuohcat Sámi veahkkeorganisašuvdnii Mama Sarai go 40.000 masaia baggo fárrehuvvojit iežaset árbevirolaš guovlluin TanzaniasMama Sara vuođđudeaddji Gunhild Berit Sara Buljo, lohká doppe duođalaš dilli dál:
Guldal ášši: