Det er konklusjonen i ein studie som blei presentert i Gjesdal tysdag.
Det er kommunane Sandnes og Gjesdal, saman med Næringsforeininga i Stavanger-regionen, som har bede om ein analyse av moglegheitene for å opna banen igjen.
Varaordførar i Sandnes, Pål Morten Borgli (Frp), meiner studien gir håp for dei som vil køyra tog mellom Ålgård og Ganddal.
– Me har gått frå ein romantisk draum til nå ein studie som gir noko handfast når det gjeld transportbehov framover. Men det mest spanande er kanskje ikkje tatt med. Det går på moglegheitene for bustadbygging og næringsareal langs traseen.
- LES OGSÅ:
- LES OGSÅ:
– Betydelege investeringar
Togstrekket mellom Ganddal og Ålgård blei lagt ned på 50-talet. I fjor fekk fleire nytt håp om gjenopning då transportkomiteen i Stortinget gjekk inn for å greia ut framtida for Ålgårdbanen.
Men Jernbaneverket helte kaldt vatn i årene på entusiastane tysdag. Heile sørlandsbanen treng opprusting – før Ålgårdbanen – og E39 med fire felt til Ålgård er i direkte konkurranse med Ålgårdbanen.
– Når du bygger to kapasitetssterke system i same område vil gjerne bilisten vinna. Då er det berre å gå ut av døra, inn i bilen, reisa til arbeidsplassen og gå ut igjen, seier Lars Rugtvedt i Jernbaneverket.
Rugtvedt understrekar at arbeidet med dobbeltspor frå Sandnes til Nærbø held fram, og at Jernbaneverket ikkje kjem til å bygga slik at ein hindrar at Jærbanen og Ålgårdbanen ein gong kan koplast saman.
– Veldig potensial
Jernbaneverket ser føre seg at samankoplinga kan skje i Ganddals-området. Dette har administrerande direktør i Næringsforeininga i Stavanger-regionen, Harald Minge, stor tru på.
– På sikt trur me dette kjem. Me ser eit veldig potensial her. Analysane viser opp mot 1,3 millionar reisande i året. Me må bu der det blir bygd kollektivtilbod.