i 2. kvalifiseringsrunde til Meisterligaen i fotball. Rosenborg opnar borte mot Linfield 13. eller 14. juli, og veka etter blir det returkamp på Lerkendal
– Blir tøft
– Vi har teke mål av oss på å komme oss tilbake i Europa, og då må vi vere dyktige nok til å slå Linfield, seier Nils Arne Eggen til NRK. Rosenborgtrenaren meiner likevel at laget må løfte seg eit hakk før kampen.
Sportssjef Erik Hoftun i RBK trur også at kampen mot nordirane kan bli hard.
– Det vi veit om britiske lag er jo at dei spelar med hjartet utanpå drakta. Linfield er ikkje det verste laget å møte, men vi forventar ein tøff kamp, seier Hoftun til rbk.no.
– Treng offensivt løft
Eggen vil ikkje seie noko konkret om kva Rosenborg må bli betre på før kvalifieringskampen. Hoftun er på den andre sida klar på tre ting som gjeld i vekene framover:
– For det første, å kun snakke om denne kampen og ikkje om det som eventuelt skjer vidare. For det andre, å prøve og få sett nokre kampar med laget, sjølv om dei er utanfor sesong. Og til slutt så må vi bli dyktigare offensivt enn vi var i kvalifiseringa i fjor, meiner sportssjefen.