For eit øysamfunn som Smøla er det ekstra spesielt å få ei ny ferje, og det var svært mange som hadde møtt opp for å få med seg dåpen.
Betre kvardag
TAR OVER: Edøyfjord tar over for gamleferja Tustna.
Foto: Roar Halten / NRKAdministrerande direktør i Fjord1 MRF, Anker Grøvdal, meiner Edøyfjord vil gi ein ny kvardag for brukarane av sambandet.
– Vi har plass til 50 bilar for kvar avgang, mot 30 som er dagens løysing. Ferja er bygd for å gå utaskjers, og vi er trygge for at ho vil gi eit stabilt samband, seier Grøvdal.
Ferja har også utsiktssalong, og gir mindre støy, lovar reiarlaget.
Den nye ferja er designa av Multi Maritime AS i Førde. Ferja har plass til 146 passasjerar med mannskapet.
Sjå video:
Edøyfjord til Smøla
Pengar til korpset
DÅP: Om lag 500 hadde møtt opp for å få med seg ferjedåpen i dag.
Foto: Roar Halten / NRKFerja er bygd av Fiskerstrand BLRT AS. Dei hadde klart å halde budsjettet så godt ved bygginga, at dei hadde ei overrasking på lur under dagens dåp.
– Det var det som førte til mest jubel på Smøla i dag, fortel NRK-reporter Roar Halten.
– Verftet hadde med seg 15.000 kroner til korpset på Smøla.
