August er tradisjonelt sett tida då jerven startar å ta lam og sau.
Hovudsakleg et jerven reinsdyr, men i sørlegare strøk vert ofte smågnagarar, rev, hare, hønsefugl og sau ofte mat.
Fleire kadaver funnen
Sauebønder både i Sunndal, Surnadal, Rauma og Nesset har meldt at dei saknar lam på beite, og at det er funne kadaver dei trur er tekne av jerv.
– Ja, vi har registrert frå fleire område at det er tap i saueflokken. Derfor er det grunn til å vere ekstra på vakt å gå ekstra tilsyn for å prøve å få ei god oversikt over situasjonen, og eventuelt ta heim beitedyra, seier Åshild Melkeraaen i landbruksavdelinga hos Fylkesmannen.
- Les:
Ingen bevis
Ingen av sauebøndene i fylket har bevis på at det er jerven som har teke lamma eller sauane.
Ifølgje Statens naturoppsyn er ingen av dei åtte sauekadavera som til no er dokumentert, eller anteke drepne av freda rovdyr, tekne av jerv.
– Men ofte finn ein kadavera i seinaste laget. Då er dei såpass ille medfarne at vi ikkje klarer å påvise kva som er dødsårsaka, seier Melkeraaen.
- LES: –
Pass på
For nokre veker sidan vart ein voksen sau drepen av bjørn i Grøvudalen i Sunndal. Gaupe har teke fire lam i Surnadal og Nesset, medan kongeørna har teke lam i Nesset og Stranda. Uansett om det er jerven eller andre dyr som er på ferde, er det grunn til å passe på, meiner Melkeraaen.
– Det er god grunn til å vere ekstra på vakt å gå ekstra tilsyn for å prøve å få ei god oversikt over situasjonen, og eventuelt ta heim beitedyra.
- LES: