I fjor blei det betalt ut om lag ein million kroner i erstatning blant dei 42 søknadane som kom inn.
Så langt i år er det kome inn 55 søknader om erstatning for husdyr på beite, og det er venta fleire. Det er tap av sau og lam over heile fylket, men flest i Rauma.
Ymse årsaker
Husdyr på beite i utmark går tapt av mange forskjellige årsaker, og i mange tilfelle får ein aldri svar på kva som har skjedd med dei. Kadaver forsvinn ofte fort.
Nokre får sjukdomar etter flåttbitt, giftige planter tar liv og nokre dør også i ulukker, seier Kirsti Connor i Landbruksavdelinga som behandler søknadene frå saubønder i fylket.
Reven tar lam
Rovdyra som jerv og bjørn har gjort store innhogg i sauebestandar på beite, men også mindre dyr som reven tar lam..
Til og med dei enorme nedbørsmengdane i fjor haust tok liv av husdyr, til dømes i Ørsta der dyr har drukna i oppfløymde elver.
Dei alle fleste av bøndene som søker erstatning for tap av husdyr på beite av andre årsaker enn rovdyr, får dekt tapa sine utover eigendelen på 30 prosent. I fjor blei det betalt ut omlag ein million kroner i erstatning.
