Til saman investerer verftet rundt 100 millionar kroner i anlegget.
– No er vi i ein av dei nye produksjonshallane som Kleven bygger, fortel konsernsjef Ståle Rasmussen i Kleven Maritime.
Rasmussen fortel om planane for framtida, der Kleven Maritime satsar stort å bygge skipsskrog sjølv.
– Oppover her held vi på å lage ei produksjonslinje for bygging av stål, med robotar med automatisert handtering, seier Rasmussen medan han peikar mot enden av hallen.
– Dette er det ypparste av det skipsbygging kan produserast med i dag.
Saka held fram under bildet.
Her viser konsernsjefen korleis den nye skrogproduksjonen til Kleven Maritime, på verftet i Ulsteinvik, skal bli.
Foto: Arne Flatin / NRKHenta spesialteam frå Sverige
Claes Svensson fortel at sveisehastigheita vil auke med tre til fire gonger med nytt utstyr.
Foto: Arne Flatin / NRKFor å få på plass den nye teknologien har Kleven henta eit spesialteam frå Sverige.
Dei har no arbeidd med det i lang tid, og 1. mai skal alt vere på plass og klart for produksjon.
– Ja, det kjem til å bli sveising av seksjonsdelar med laser. Det blir den seinaste i teknikken og vi kjem til å auke sveisehastigheita tre til fire gonger.
Det fortel Claes Svensson, arbeidsformann i Kleven Maritime.
– Viktig investering
Manuell sveising blir erstatta av robotar, og konsernsjefen er klar på at omlegginga er framtidsretta.
– Det er ei stor og viktig investering. Det er framtidsretta, ny teknologi og vi tek skipsbygging tilbake til Noreg, seier Rasmussen til NRK.
Konsernsjef i Kleven Maritime, Ståle Rasmussen, er klar på det ikkje blir færre tilsette i bedrifta.
Foto: Arne Flatin / NRKHan er klar på at å hente heim produksjon er ein del av den klare strategien til Kleven Maritime.
– Det er veldig kjekt å investere i det vi har trua på for framtida.
– Men det er ikkje mange åra sidan ein prata om å flytte alt av skrogproduksjon til Aust-Europa?
– Det stemmer, men dette er vår strategi. Andre skipsverft og verfteiningar gjer det på andre måtar. Dette er vår måte å skilje oss ut på, fortel konsernsjefen.
Ikkje færre tilsette
Han er òg klar på at prosjektet er berekraftig økonomisk.
Om nokon skulle frykte å miste jobben, som følgje av den teknologiske utviklinga, kan dei ta det med ro.
– Vi vil spare inn på manuelle operasjonar, men vi får fleire tilsette rundt dette og vi skal ha eit volum gjennom her, seier Rasmussen.
Han meiner dei skaper nye arbeidsplassar.
– Vi bringer arbeid tilbake til Noreg og skaper andre typar teknologiintensive arbeidsplassar.
