– Det var ein fullt utvikla loftsbrann, seier brannvakta på 110-sentralen. Brannvesenet fekk melding om brannen klokka 15.11 og kom raskt til staden for å starte sløkkearbeidet. Det skal ha vore folk i leilegheita då brannen starta, men dei kom seg ut sjølv.
Brannskadar i ansiktet
– Ein av personane er sendt til Kristiansund sjukehus. Vi har fått opplyst at personen kan ha fått brannskadar i ansiktet, fortel Rolf Anders Korstad. Han er operasjonsleiar ved Nordmøre og Romsdal politidistrikt. Fleire av naboane vart evakuerte.
Brannvesenet har no kontroll på brannen, og driv med ettersløkking. Huset ligg i ei rekkje saman med andre trehus, og det var fare for at brannen skulle spreie seg.
– Sidan naudetatane kom så raskt til staden, gjekk det bra, seier Korstad.
Øydelagde leilegheiter
NRKs journalist Eirik Haukenes var på staden og han seier at brannen starta på loftet i eit hus med fleire leilegheiter. Dei to øvste leilegheitene i husværet er etter den han har fått opplyst frå brannvesenet, ikkje råd å bu i.
