Aksel Hauge vert leiar for nemnda, han er også leiar i Ulstein historielag. Med seg har han Heidi Myklebust, Leif Ringstad (frå kommunen), Ottar Kaldhol, Kjell Garnes og Svein Eiksund.
Nemnda har alt vore i kontakt med ein kunstnar som vil kunne lage bronsebysta. Hauge vil ikkje ut med kor mykje det vil koste å få finansiert prosjektet, men dei er alt i kontakt med bankar som kan bidra. Han reknar også med at kommunen vil bidra.
Hauge kjenner seg trygg på at dei får finansiert dette. Viss ikkje hadde dei ikkje sett i gang denne prosessen, seier han.
Ulstein historielag har fått fleire oppmodingar med Kjell Garnes i spissen om å få laga det dei kallar ein lokal og synleg heider for Ragnar Ulstein.
Ulstein sjølv vart glad då han fekk høyre om planane og håper han vil vere i form til å delta når bysta etter planen vert avduka ein gong våren 2016. I følgje Aksel Hauge kan dette skje anten på 96-årsdagen til Ulstein, den 19.april, eller på frigjeringsdagen 8.mai.
Nemnda har alt vore i kontakt med Ola Stavseng i Stordal som kan ta på seg arbeidet med å lage bysta.