ČálliidLágádusa doaimmaheaddji Amund Johnskareng muitala girjji leat nuoraid várás. Áigumuš dáinna lea oažžut nuoraid smiehttagoahttit givssideami váikkuhusain.
Maiddái galgá girji hástakit ohppiid, oahpaheddjiid ja vánhemiid jurddašašgoahtit ja digaštallat mii givssideapmi lea, ja manne olbmot givssidit.
Dokumentára-ráiddu vuosttaš girji
Dát girji lea vuosttaš girji maid ČálliidLágádus almmuhišgoahtá dokumentáraráiddus nuoraide. Ja girjji "Sii gehčče eará guvlui" leaba mánáid- ja nuoraidpsykologa guovttos Anne Lene Turi ja Margrethe Bals čállán. Soai leaba goappašagat oahppan psykologat. Ja Dál leaba soai doavttergráda stipendiáhtat, ja bargaba pskologan Tromssa Universitehta buohcciviesus.