Vakkert utbrot på sola

NASAs solobservatorium i rommet, Solar Dynamics Observatory (SDO), observerte eit nydelig utbrot på sola 16 april kl. 18.44 norsk tid.

Sjå NASAs video av den vakre soleksplosjonen her:

Ikkje retta mot jorda

Trass i det spektakulære synet var ikkje eksplosjonen som var i klasse M1,7 spesielt kraftig ifølgje astrofysikar Knut Jørgen Røed Ødegaard.

– Eit klasse M1,7-utbrot berre middels stort, og ikkje spesielt stort i energi, seier han.

Utbrotet av supervarm plasma var denne gongen ikkje retta mot jorda, noko som var tilfelle tidlegare i år då kraftige utbrot på sola gav oss flott nordlys over heile landet.

• Les også: Nå får Sør-Norge kraftig nordlys

– Blåst ut i rommet

Utbrotet skjedde i ein såkalla proturberans, som er tette skyer av materie over soloverflata som blir halde på plass av solas magnetfelt.

Røed Ødegaard fortel at dersom magnetkreftene er stabile kan proturberansen halde seg rolege lenge, over dagar eller veker.

– Men i dette tilfettet endra magnetfeltet seg raskt slik at gassen vart blåst ut i rommet, seier Røed Ødegaard.

Han fortel at i enkelte tilfelle kan magnetfeltet også endre seg på ein slik måte at gassen fell ned på sola igjen.

Då kan ein observere at gassen regelrett plaskar ned att på soloverflata.

• Les også: Slik har du aldri sett Melkeveien
• Les også: Kjente landemerker sett fra rommet