Isen på Nordpolen smeltar, havet stig, og vêret blir våtare og villare. Dette høyrer vi om kvar einaste dag. For å berge kloden må vi sleppe ut mindre CO2 enn vi gjer i dag. Regjeringa har bestemt at Norge skal vere blant dei flinkaste til å kutte utslepp. Vi skal ned med heile 30% innan 2020.
Testkaninar
Kva skjer når ein tar dei nasjonale klimamåla ned på familienivå? Klarar ein vanleg familie å gjennomføre eit 30% kutt i praksis? NRK søker ein sporty familie som har lyst til å delta i ein ti dagars test. Videorapportar frå familien vil bli vist dagleg på nett, og i tillegg bli sendt i TV-programma Schrödingers katt og Newton.
Er dette din familie?
- de er ein familie med to eller fleire barn
- de har mange fritidsaktivitetar
- de har ein eller fleire bilar, som ofte er i bruk
- de bur i Trøndelagsområdet
- de har lyst til å komme på TV
Viss de har lyst til å vere testfamilie, send oss ein e-post der de fortel litt om kven de er!
Frist for påmelding 25. august!