– Det er ingen tvil om at hivmedisinen er blitt ei kvilepute, seier kommunikasjonsrådgjevar i Helseutvalget, Aksel Overskott til NRK.
Dei oppsøker ulike risikogrupper og tilbyr informasjon og hurtigtestar av HIV og syfilis.
Aksel Overskott, kommunikasjonsrådgjevar i Helseutvalget, seier dei gode hivmedisinane gjer at folk ikkje er redd for å ha ubeskytta sex.
Foto: Helseutvalget– Det ser ut til at folk tar større sjansar, og tar lettare på dette med kondombruk, seier Overskott.
Auke i seksuelt overførbare sjukdommar
Tal frå Folkehelseinstituttet viser ei markant auke i talet på syfilis- og gonoresmitta etter 1996.
Dette er same året som hivmedisinen, slik vi kjenner den i dag, kom.
Lege og sexolog Haakon Aars etterlyser fleire informasjonskampanjar om faren ved ubeskytta sex.
Foto: Privat– Dette gjeld ikkje berre dei homofile, men også andre grupper, poengterer psykiater og spesialist i klinisk sexologi, Haakon Aars.
– Etter at hivmedisinen kom i 1996, med den gode virkninga den har vist seg å ha hatt, forsvann fokus på hiv frå media, frå helsestyresmakter si side, og dermed også frå folk sitt medvit. Folk blir ikkje så redde lenger, fortset han.
– Dette blir ein vond sirkel, forklarer Overskott i Helseutvalget.
Det er nemleg slik at dersom du har syfilis, gonore eller herpes, er du meir mottakeleg for HIV-smitte. Og dersom du har desse sjukdommane og i tillegg er HIV-smitta, kan du lettare smitte andre.
Etterlyser informasjonskampanjar
– Informasjonsmengda må opp, og da er det Helsedirektoratet som har eit ansvar, seier Haakon Aars.
– Etter at epidemien oppstod, og før man hadde ein fullgod medisinering, såg vi hyppige kampanjar i aviser og på tv. Det er så å seie borte. I tillegg må undervisningsopplegget i grunnskulen og innanfor fagutdanninga til helsearbeidarar betrast.
Helsedirektoratet stadfester at kommunikasjonen frå det offentlege er ein annan no enn før HIV-medisinen kom. Hiv har gått frå å vere ein alvorleg, dødeleg infeksjon, til å bli ein kronisk infeksjon ein kan leve med.
No fokuserer dei på meir målretta kampanjar mot miljøa der smitten er størst, seier seniorrådgjevar Lennart Lee Lock.
– Vi bruker mykje pengar på organisasjonar som blant anna Helseutvalget. Dei har innpass på sexklubbar og ulike arenaer der menn treffast for å ha sex.
– God nok kunnskap, men gir blaffen
Aksel Overskott i Helseutvalget trur folk har den naudsynte kunnskapen om sjukdommar som smittar via sex.
– Det som er overraskande er at folk gir blaffen i å bruke kondom likevel.
Han understrekar at det difor er ekstra viktig å teste seg.
– Når ein ikkje brukar beskyttelse er det heilt nødvendig å ha kontroll på eigen helsetilstand, seier han.
Programmet "Tilbake til framtiden" som sendes på NRK1 torsdag kl. 20.25, handler om hiv og aids.
