NSB vil ha sin del av kaka i Flåm

Flåmsbana har dei siste åra vore millionbutikk for reiselivsnæringa i Aurland, men det er NSB som sit med gode kort på hand når ein 15 år gamal avtale går ut ved nyttår.

• LES MEIR: Jernbanen i Aurland i Fylkesleksikon

Medan NSB skulle drifte Flåmsbana til kostpris, skulle Aurland Ressursutvikling stå for alle utgiftene til marknadsføring, mot at dei fekk alle inntektene.

• LES OGSÅ: Togeuntusiast vil frede Flåmsbana

– Det ville vere ei utruleg uklok handling frå NSB si side, i høve til deira isolert sett omdøme og forteneste, og det vil sjølvsagt vere totalt urimeleg, seier Ivar Bjarne Underdal, styreleiar i Aurland Ressursutvikling.

Rekord i fjor

Då avtalen vart gått inn i 1998 vart Flåmsbana den første privateigde jernbanestrekka i Norge. Dei investerte i nytt togsett med nostalgisk interiør og auka til ti daglege avgangar i sommarsesongen.

Sidan har Flåmsbana vore igjennom ei rivande utvikling. Med 475.033 reisande, var den 20,2 kilometer lange jernbanestrekka Norges femte best besøkte turistaksjon i 2005.

• SJÅ: Flåmsbana minutt for minutt
• SJÅ: Slik er verdas lengste vegtunnel - sett på 2:45 minutt

I fjor vart det ny passasjerrekord med 618.557 reisande, og eit resultat på 23 millionar kroner før skatt. Ordførar i Aurland, Noralv Distad, vedgår at avtalen med NSB har vore god for lokalsamfunnet.

• LES OGSÅ: 600 000 blei med på togturen

– Det har vore ein god avtale for Aurland, men også ein avtale som har premiert innsats for å få auka trafikk slik at når du har formidabel trafikkvekst så har Flåm utvikling som har hatt ansvaret for salet også nytt godt av det, seier han.

– Nye tider no

Flåmsbana vart i 2010 kåra til ei av dei ti flottaste togreisene i Europa av The National Geographic Traveller Magazine. Året etter hamna den på The Society of International Railway Travellers si liste over verdas 25 flottaste togreiser .

• LES OGSÅ: Vil leggje ned stasjon på Flåmsbana
• LES OGSÅ: Hurtigruta ut av Flåmsbana

I år er det venta at kring 650.000 passasjerar vil følgje toget mellom Myrdal og Flåm.

• LES OGSÅ: Aprilrekord på Flåmsbana

– Det er jo nye tider no, og vi ynskjer å sjå på moglegheita til å vidareutvikle produktet. Då dreier det seg om å investere i nytt materiell og det kostar pengar, seier Marianne B. Einarsen, direktør i NSB.

Har jobba sjølv

– Så då vil de ha ein del av kaka sjølve?

– Då ser vi på andre former i den avtalen enn det vi har i dag, seier Einarsen og meiner forhandlingane går godt og at dei har ambisjon om å kome i hamn med ein avtale som er god for begge partar.

• LES OGSÅ: Eventyrleg suksess i Flåm
• LES OGSÅ: Flåmshuldra er historie

Underdal viser til at Flåmsbana går økonomisk godt fordi det i ei årrekkje har vore jobba godt lokalt. Han vil ikkje godta at NSB skal få mesteparten av overskotet.

Overtok underskot

– No skal vi lage ein balansert og god avtale med NSB, som begge har grunn til å vere nøgde med økonomisk sett, og som legg rammevilkår for å ta Flåmsbana inn i ei endå meir integrert tid enn ei regional nærings- og produktutvikling.

– Avtalen med NSB har vore veldig gullkanta for dykk, er det håp om å få ein like god avtale?

– Den var ikkje gullkanta då vi overtok. Då var det eit underskotsprosjekt og vi brukte tre år på å gå i pluss, men sidan har det gått berre ein veg, avsluttar Underdal.