– Eg trur de har venta lenge på dette, seier Bahi Veraasingam, dagleg leiar i den nyopna Burger King i Førde.
Veraasingham meiner bedriftene i Sunnfjord berre har godt av meir konkurranse.
– Men me driv med vårt, og kjem ikkje til å fokusere på å konkurrere ut andre, legg han til.
Om lag 30 ungdommar møtte opp då dørene på Burger King Førde gjekk opp for fyrste gong onsdag føremiddag.
- Les også:
FOLKSAMT: Sjølv om det var føremiddag, var det kø ut døra på hurtigmatrestauranten.
Foto: Josef Benoni Ness Tveit / NRK– Ikkje redd
IKKJE SKREMD: – Eg er ikkje redd dei, seier Ødemark. Ho meiner dei to serveringsstadane har forskjellige målgrupper.
Foto: Josef Benoni Ness Tveit / NRK– Me har eit breiare tilbod enn slike kjeder, seier Eva Cecilie Ødemark, tilsett ved Førde Kro.
Ho meiner at kroa sitt tilbod med middagsmat trekk til seg ei anna kundegruppe.
– Me har jo ein del eldre kundar, eg trur dei kjem til å halde fram med å komme.
HAR TRUA: Botn meiner dei etablerte spisestadane har lojale kundar.
Foto: Josef Benoni Ness Tveit / NRKFleire andre spisestadar i sentrum fortel det same som Ødemark til NRK; at dei kjem til å halde på kundane sine.
– Me merkar det nok i byrjinga, at folk ynskjer å prøve ut nye tilbod, men eg trur det kjem til å jamne seg ut etter kvart, seier Maria Botn, skiftleiar på ein lokal pizzeria.
