I fem månader har regjeringa lova å granske alle sidene av den dramatiske brannen som herja Lærdal i januar. Men enno er ikkje mandatet for evalueringa på plass.
Før granskinga kan kome i gang, må oppdraget også ut på anbod, seier statssekretær Hans J. Røsjorde frå Framstegspartiet.
– Her må vi følgje anbodsprosedyrar og få plassert oppdrag. Så får vi kome tilbake til tidsskjema for dette, men meininga er å få dette opp å stå så fort som berre mogleg, seier han.
- LES OGSÅ:
Har lova det same i snart eit halvt år
Akkurat det siste har regjeringa sagt i fem månader. 20. januar i år stod nemleg statsminister Erna Solberg (H) i Lærdal, såg utover dei store øydeleggingane og lova å granske alle sidene av storbrannen som hadde herja natta i førevegen.
– Vi skal alltid gjere ei etterevaluering for å lære av ting, slik at vi kan bli betre, sa Solberg då.
Ho var sterkt prega av alvoret etter at 40 bygg, mange av dei bustadhus hadde blitt slukt av dei enorme flammane.
- LES OGSÅ:
- LES OGSÅ:
(Artikkelen held fram under)
Kritisk til regjeringa
Men så langt har Justisdepartementet berre sett i gang ei snever evaluering etter storbrannane i Lærdal, Frøya og Flatanger. Denne skal granske innsatsen til Sivilforsvaret og brann- og redningsvesenet.
No har regjeringa vedteke at det òg skal kome ei brei gransking av dei tre brannane.
Ei slik gransking skal omhandle førebyggjande arbeid, leiing og handtering av innsatsen, samt koordinering og samvirke mellom etatane. At den enno ikkje er komen i gang, er oppsiktsvekkjande, sa leiaren i justiskomiteen på Stortinget, Hadia Tajik, for tre veker sidan.
Ho hadde då stilt følgjande spørsmål skriftleg til justisministeren:
– No har det snart gått eit halvt år, kor lang tid tek det eigentleg å setje ned eit utval?
Tajik meinte evalueringa som er sett i gang ikkje er tilstrekkeleg.
– Viss ein berre har den type smale evalueringar, som den justisministeren har lagt opp til no, så ser ein ikkje heilskapen i redningsarbeidet. Då ser ein ikkje samarbeidet mellom politi og brannvesen, ein ser ikkje rolla til helsevesenet eller dei frivillige redningstenestene, som også gjer ein viktig jobb, sa Tajik til NRK.no.
Også Fylkesmannen i Sogn og Fjordane, Anne Karin Hamre, har vore kritisk til det ho meier er ei snever evaluering av brannen så langt.
- LES OGSÅ:
- LES OGSÅ:
Vil enno ta tid
Men trass vedtak om ei brei gransking, ting dreg ut i tid. Fem månader etter storbrannane i Sogn og i Trøndelag har Justisdepartementet enno ikkje mandatet for den breie evalueringa klar.
Og før sjølve granskinga kan starte, må oppdraget ut på anbod. Mykje tyder difor på at det blir haust før sjølve evalueringa er i gang, vedgår statssekretær Hans J. Røsjorde.
– Når mandatet er klart grunnlaget for det som skal bli eit oppdrag som skal ut på anbod er klart, så vil anbodsprosessen krevje noko tid, seier han.
- LES OGSÅ:
- LES OGSÅ: