For fem månadar sidan lova regjeringa brei evaluering av Lærdalsbrannen - men ingenting har skjedd

– No har det snart gått eit halvt år, og framleis har det ikkje skjedd noko. Kor lang tid tek det eigentleg å setje ned eit utval, spør leiar i justiskomiteen på Stortinget, Hadia Tajik (Ap).

Det spørsmålet har leiaren i justiskomiteen på Stortinget, Hadja Tajik, stilt skriftleg til justis- og beredskapsminister Anders Anundsen.

20. januar, dagen etter storbrannen i Lærdal, kom Anundsen og statsminister Erna Solberg køyrande til Sogn for å sjå dei omfattande øydeleggingane.

40 bygningar brann ned til grunnen i storbrannen. I tillegg fekk fleire titals andre bygningar brann-, røyk- og vasskade.

• LES ALT OM STORBRANNEN HER
• LES OGSÅ: Ventar på teknisk rapport frå Kripos
• LES OGSÅ: Ordføraren i Lærdal: – No kan alle gå vidare

Lova å evaluere alle sider

Brannen øydela straumforsyninga og mobilnettet, råka vassforsyninga, avløpssystemet, vegmeldingssentralen og ventilasjonen i førti tunnelar. Mellom mykje anna.

Dei lova då evaluera alle sider ved ei slik krise av nasjonalt omfang.

– Vi skal alltid gjere ei etterevaluering for å lære av ting, slik at vi kan bli betre, sa Solberg då.

Men så langt har Regjeringa sett i gang ei snever evaluering etter storbrannane i Lærdal, Frøya og Flatanger, som berre skal granska innsatsen til Sivilforsvaret og brann- og redningsvesenet. Særs uheldig, seier Tajik.

– Viss ein berre har den type smale evalueringar, som den justisministeren har lagt opp til no, så ser ein ikkje heilskapen i redningsarbeidet. Då ser ein ikkje samarbeidet mellom politi og brannvesen, ein ser ikkje rolla til helsevesenet eller dei frivillige redningstenestene, som også gjer ein viktig jobb, seier Tajik.

(Artikkelen held fram under bildegalleriet)

• LES OGSÅ: På 13 dagar vart det skrive 4.000 artiklar om Lærdalsbrannen
• LES OGSÅ: Optimist etter møte med stortingspolitikarane, trur det kjem meir pengar til gjenreising

Veit ikkje når det vil skje

Statsråd Anundsen seier via kommunikasjonsrådgivaren sin at regjeringa vil ha ein ekstern, uavhengig gjennomgang av storbrannane i Sogn og Trøndelag.

Men kor tid og korleis ei slik gransking skal skje, vil ministeren ikkje uttala seg om, før han har svara på det skriftlege spørsmålet frå Tajik, i løpet av neste veke.

40 bygningar brann ned til grunnen i storbrannen i Lærdal natt til 19. januar. I tillegg fekk fleire titals andre bygningar brann-, røyk- og vasskadar.

Brannen øydela straumforsyninga og mobilnettet, råka vassforsyninga, avløpssystemet, vegmeldingssentralen og ventilasjonen i førti tunnelar. Mellom mykje anna.

• LES OGSÅ: Har fokus på å ta lærdom - no vil ordføraren vere pådrivar for å sikre tryggleiken i Norge
• LES OGSÅ: Trur storbrannen fører fleire turistar til Lærdal

Fekk kritikk frå fylkesmannen

I april kritiserte fylkesmannen i Sogn og Fjordane Regjeringa for den snevre evalueringa av brannane som dei la opp til.

– Vi ser gang etter gang at evalueringane skjer etatsvis. Det som oftast sviktar under slike kriser er samhandling mellom ulike etatar. Når evalueringa skjer etatsvis, glepper vi på å få med samhandlingsutfordringane og det vi bør ta lærdom av, seier Hamre.

Fem månader har gått sidan statsråd Anundsen møtte dei brannråka i Lærdal. Leiaren i justiskomiteen på Stortinget, Hadia Tajik, ventar at ministeren raskt innfrir det han lova lærdølene i januar.

– Eg har forståing for at det kan noko tid for å finne ut kven som skal gjennomføre den type evaluering, men det tek ikkje eit halvt år å finne ut det, seier Tajik.

• LES OGSÅ: – Det må bu folk i dei gamle husa