Departementet for menneskerettar i den amerikanske delstaten skal undersøkje rutinane til politiet i storbyen dei siste 10 åra.
Målet er å finne ut om etniske minoritetar systematisk har vorte diskriminerte, og korleis dette eventuelt kan endrast.
Guvernør Tim Waltz lovar å ta granskinga på alvor:
– Innbyggarane i Minnesota kan vente at styresmaktene vil bruke alle middel for å dekonstruere generasjonar av systemisk rasisme i delstaten vår, sa Waltz tysdag.
Demonstrasjonane og opptøyane i USA braut ut etter at afroamerikanske George Floyd (46) døydde då han vart arrestert i Minneapolis 25. mai.
Ein kvit politimann pressa kneet mot nakken og halsen til Floyd i mange minutt.
Advokaten til familien til Floyd seier at obduksjonen viser at det som skjedde var eit drap.
- Les òg: URIX forklarar:
Politiet i Minneapolis har gjennom fleire tiår vorte skulda for unødvendig valdsbruk og diskriminering av svarte og andre minoritetar.
Kritikarar meiner det eksisterer ein ukultur som det har vore vanskeleg å endre. Det gjeld òg etter at byen i 2017 fekk ein afroamerikansk politisjef.
- Les òg:
