Bollestad kritisk til regjeringas aborthandtering

I talen sin til landsstyret laurdag la KrF-leiar Olaug Bollestad vekt på at partiet må vere eit tydeleg verdiparti fram mot stortingsvalet neste år.

Ho trekte blant anna fram forslaget om endringar i abortlova, som etter planen skal opp for Stortinget før sommaren.

– Regjeringa ser ut til å ønske å behandle abortlova som om det var ei eller anna triviell sak. Men det er ho ikkje. Abortlova legg rammer rundt eitt av dei vanskelegaste spørsmåla vi politikarar har ansvar for.

Dersom ny abortlov, der retten til sjølvbestemt abort blir utvida frå 12 til 18 veker, blir vedteke i Stortinget før sommaren, meiner KrF-leiaren at regjeringa hoppar bukk over viktige etiske spørsmål.

– Og landinga blir ikkje spesielt grasiøs, seier ho.