- SD-suksess har fostra rasisme i Malmø

– Me er rysta alle saman. Me er redde og vågar ikkje gå ut på kveldane. Barnefamiliar torer ikkje sleppa ut borna sine, seier ein av innbyggjarane i Sveriges tredje største by til NRK.

• LES OGSÅ: – Jeg er veldig redd

Seinast i går blei to kvinner av utanlandsk opphav skotne på i Malmø. Svensk politi jaktar no det dei trur er ein rasistisk snikskyttar i byen som er ein av dei viktigaste skansane til det innvandrarkritiske partiet Sverigedemokraterna (SD).

• LES OGSÅ: 16 personer skutt på gata i Malmø
• LES OGSÅ: – Jeg kjente blodet renne over hele kroppen

Trekkjer parallellar

I dagens leiar i den svenske avisa Expressen vert det trekt parallellar mellom det kontroversielle SD sitt inntog i Riksdagen og dei mange skyteepisodane mot innvandrarar i Malmø.

«Det er absolutt tenkjeleg at framandfiendtlege haldningar, som har fått ein slags legitimitet gjennom SDs inntog i riksdagen (...), har fått ein potensiell lasermann til å gå heilt frå sans og samling», står det i avisa sin leiar-spalte.

Det vert også vist til Lasermann-saka i Stockholm på 1990-talet, der 11 personar med innvandrarbakgrunn blei utsette for attentat.

DÅ: Ny demokrati inn i Riksdagen, infisert innvandringsdebatt og Lasermannen.

NO: Sverigedemokraterna inn i riksdagen, infisert innvandringsdebatt og Lasermannen 2.

– Må stoppa innvandringa i Malmø

Av dei 300 000 innbyggjarane i Malmø, er 30 prosent fødde i utlandet. 174 nasjonalitetar er representerte og Irak er den største innvandrargruppa. Deretter kjem Danmark, Jugoslavia, Polen og Bosnia-Hercegovina.

• LES OGSÅ: – Vi vil gjøre som vi pleier

– Malmø har store problem med segregering, kriminalitet og arbeidsløyse, som påfører kommunen store utgifter. Det første ein må gjera, er å stoppa innvandringa til Malmø, seier pressesekretær for Sverigedemokraterna i Riksdagen, Eric Myrin til Norge I DAG.

Partiet, som hadde 90 prosent redusert innvandring som ein av sine største fanesaker i oppkøyringa til Riksdagsvalet i år, gjorde stor suksess.

• LES OGSÅ: – SDs fremgang har ligget i luften

Står sterkt i Malmø

Totalt 330 000 svenskar stemte SD. Aller best oppslutning fekk det framandfiendltege partiet i området rundt Malmø i Skåne. Medan partiet på landsbasis fekk ei oppslutning på 5,7 prosent, fekk dei støtte frå meir enn ti prosent av veljarane i Malmø. I somme bydelar stemte ein av tre veljarar på SD.

”Fremmedfryktens inntog i demokratiets høyborg”, raste politisk redaktør i avisa Expressen då SD gjekk frå null til 20 mandat i Riksdagen.

Partiets innmarsj inn i den svenske nasjonalforsamlinga sendte ei bølgje av sjokk, sinne, uro over store delar av den svenske befolkninga.

• LES OGSÅ: Flere tusen antirasister demonstrerte
• LES OGSÅ: Demonstrerte mot Sverigedemokraterna

Fleire har stempla SD som eit rasistisk parti med nazirøtter som ikkje høyrer heime i eit demokratisk politisk organ.

• LES OGSÅ: Fra kjelleren til Riksdagen
• LES OGSÅ: Aftonbladet kjører kampanje mot SD
• LES OGSÅ: Partiet ingen vil samarbeide med

– Ikkje rasistar

Sverigedemokraterna sjølve definerer seg som eit demokratiskisk, nasjonalistisk parti.

– Me tek fullstendig avstand frå nazisme, rasisme og andre ekstreme ideologiar, seier SD-pressesekretær Myrin til Norge I DAG.

Av all hatkriminalitet rapportert i Sverige i 2009, var 71 prosent raseorientert eller retta mot utlendingar. I tillegg er ti prosent utløyst av religiøse motiv, som blant anna islamofobi, antisemittisme eller anti-religiøse haldningar, ifølgje statistikk frå Brottsförebyggande rådet (Brå).

Ein oppsiktsvekkande stor del av hatkriminaliteten skjer i sør-Sverige, og ikkje minst i Malmø.