Mennesker drept siden 7. oktober 2023
USA, Qatar og Egypt er meklarar i våpenkvileforhandlingane mellom Israel og Hamas.
«Landet som snakkar med alle» har vore ein naturleg meklar. At dei har halde ein open kanal til Hamas, blei prisgitt med ei våpenkvile mellom partane i november.
Men no er statsminister i Qatar, Mohammed bin Abdulrahman al-Thani, usikker på om landet er skikka til rolla. Det melder nyheitsbyrået Reuters.
Kritikk frå amerikansk hald
Måndag, nokre dagar før Qatar seier at dei vil revurdere rolla si, blei dei kritisert frå amerikansk hald.
Demokrat og kongressmedlem Steny Hoyer meiner Qatar må legge meir press på Hamas i forhandlingane.
Hoyer vil at Qatar truar Hamas med å kutte finansiering, og nekte leiarane tilflukt i landet.
«Dersom Qatar ikkje klarer å bruke eit slikt press, må USA revurdere sitt forhold til Qatar», skriv Hoyer i ei fråsegn.
USA er sjølv hovudleverandør av våpen til Israel.
– Det finst grenser
Al-Thani meiner no at Qatar blir misbrukt av politikarar i forhandlingane, til gunst for eigne politiske interesse. Han utdjupar derimot ikkje kven fråsegna sikter til.
– Dette har ført til at Qatar må gjere ei fullstendig revurdering av si rolle, og vi er no i denne fasa, seier al-Thani.
– Vi er forplikta overfor vår rolle frå ein humanitær ståstad, men det finst grenser.
Statsminister og utanriksminister i Qatar, Mohammed bin Abdulrahman al-Thani, var i Noreg i desember for å diskutere krigen på Gazastripa.
Foto: Killian Munch / Kilian MunchViktig diplomatisk aktør
Landet har eit godt forhold til «alle», og har i lang tid vore ein viktig diplomatisk aktør. Dei var viktige i å få på plass ein fredsavtale i Sudan i 2011 og mellom USA og Taliban i 2020.
USA, som er Israels næraste allierte, har sin største militærbase i regionen utanfor Qatars hovudstad, al-Udeid.
Og ikkje langt unna har Hamas sitt politiske kontor. Fleire Hamas-toppar bur i landet, mellom anna den politiske leiaren Ismail Haniyeh.
Qatar har generelt eit godt forhold til Vesten, i tillegg til å snakke grupper og land som Vesten ikkje snakkar med.
Men å vere venn med alle, må balanserast med ein knivsegg.
Trass i jamlege møter i Doha, har ikkje våpenkvileforhandlingane dei siste månadane ført fram.
