Obama konstaterte i ein tale frå det ovale rommet i Det kvite hus at begge dei to mistenkte hadde med seg våpen, og at dei hadde meir våpen heime.
– Vi skal kome til botnen av dette. Vi gir oss ikkje før vi har alle fakta på bordet, og vi ventar til det før vi trekkjer ein konklusjon, sa Obama blant ana. Han sa også at det kan vere snakk om fleire motiv for ugjerninga.
FBI leier etterforskinga
Presidenten sa også at det no er det føderale politiet FBI som har ansvaret for etterforskinga i samarbeid med det lokale politiet. Han rosa politiet og styresmaktene i San Bernardino for måten dei hadde handtert tragedien som ramma.
– Mange amerikanarar kjenner seg makteslause overfor slike masseskytingar, men vi kan alle gjere noko, sa Obama blant anna. Han meinte at nasjonen må greie å gjere det vanskelegare å gjennomføre slike handlingar, men vedgjekk samstundes at det er umogleg å fjerne trusselen heilt.
– Det er viktig for alle amerikanarar, også dei som lagar lovene, å finne ut kva dei kan gjere for å hindre slike forferdelege hendingar, sa Obama. Han varsla også at alle offentlege bygningar, ambassadar og militære installasjonar skal flagge på halv stong fram til måndag.
Førjulsfest
Det var i går kveld ved 20-tida norsk tid, 11-tida lokal tid, at alarmen gjekk hos politiet i San Bernardino i California, ein by 96 kilometer aust for Los Angeles. Dei første meldingane gjekk ut på at minst 20 menneske var skotne inne på eit servicesenter for funksjonshemma i byen.
Det viste seg at
i helseavdelinga i San Bernardino County, som var samla til førjulsfest i konferanseavdelinga i bygningen. Ein man som hadde , kom tilbake saman med kona si, begge i full stridsutrusting, og skaut vilt rundt seg inne i salen.14 menneske vart drepne og 17 andre såra. Tilstanden er alvorleg for fleire av dei såra.
Drepne i skotveksling
Dei mistenkte gjerningspersonane, Syed Farook (28) og kona hans Tashfeen Malik (27), vart drepne i ei skotveksling med politiet nokre timar etter skytinga inne på senteret. Mannen jobba i avdelinga som hadde festen i bygningen der skytinga skjedde, og begge deltok på festen.
Dei to overlèt det vesle barnet sitt til mora til kona, og dei sa til henne at dei skulle til legen.