Obama skal møte Dalai Lama

USAs president Barack Obama vil vise seg offentleg på eit arrangement i Washington komande veke, der også Tibets åndelege leiar Dalai Lama skal delta, opplyser Det kvite hus.

Dalai Lama

Dalai Lama skal møte Barack Obama i Washington før han kjem til Noreg.

Foto: RODRIGO ARANGUA / AFP
Bent Tanstad
Journalist
USAs president Barack Obama.

Barack Obama skal delta på same arrangement som Dalai Lama komande veke.

Foto: Mel Evans / Ap

– Presidenten vil seie nokre ord under Den nasjonale bønnefrukosten (National Prayer Breakfast) om kor viktig det er med religionsfridom. I år har vertskapet også invitert Hans Nåde Dalai Lama, seier talskvinne for det nasjonale tryggingsrådet, Bernadette Meehan.

Avgjerda om at Obama skal vise seg offentlege på same arrangement som Dalai Lama vil heilt sikkert skape reaksjonar i Kina. Obama og Dalai Lama har møtt kvarandre tre gonger tidlegare, sist i februar i fjor.

Til Trondheim

Dette møtet førte til kinesiske truslar om at det ville gjere forholdet mellom dei to landa dårlegare.

Den nasjonale bønnefrukosten går føre seg 5. februar. Etter dette kjem den åndelege leiaren for fleire millionar tibetanske buddhistar til Noreg. Han skal delta i eit debattmøte under Internasjonal Studentfestival i Trondheim 9. februar.

Då Dalai Lama vitja Noreg i mai fjor, vekte det reaksjonar at ingen frå den norske regjeringa eller presidentskapen på Stortinget ville møte han av frykt for reaksjonar frå stormakta Kina, men representantar frå åtte politiske parti tok mot han der.

Det var Knut Arild Hareide (KrF), Trine Skei Grande (V), Bård Vegar Solhjell (SV), Liv Signe Navarsete (Sp), Rasmus Hansson (MDG), Michael Tetzschner (H), Marianne Aasen (Ap) og Ingebjørg Godskesen (Frp).

LES OGSÅ: Oppkalte sønnen etter Dalai Lama

LES OGSÅ: Folket jublet da Erna fikk Dalai Lama-refs

Forholdet til Kina

Dalai Lama har vore fleire gonger i Oslo etter han fekk fredsprisen i 1989. Han var her i 1994, i 1996, i 2000 og 2001, og ein gong til i 2001 under 100-årsmarkeringa for Alfred Nobel.

Ved alle dei tidlegare besøka vart han teken mot av statsminister, utanriksminister og stortingspresidenten.

Forholdet mellom Kina og Noreg har vore på frysepunktet sidan tildelinga av Nobels fredspris til den kinesiske regimekritikaren Liu Xiabo i 2010.

LES OGSÅ: KrF kritiserer de rødgrønnes håndtering av Kina

LES OGSÅ: – Jeg bør bli den siste Dalai Lama

LES OGSÅ: Paven vil ikke ha Dalai Lama på besøk

Laster innhold, vennligst vent..
Laster innhold, vennligst vent..

SISTE NYTT

Siste nytt