Politiet seier dei etterforskar saka som eit drapsforsøk. Det er
på rad med alvorlege valdshandlingar i den nord-irske hovudstaden.Kasta brannbomber
Det brutale angrepet mot politiet skjedde i den austlege delen av Belfast.
Først vart vindauga i bilen knuste, og så kasta mennene brannbomber inn. Politimannen greidde å kome seg ut.
Det har også vore uro i det sørlege Belfast i kveld, eit område der lojalistane til Storbritannia står sterkt.
Rasande demonstrantar har gått til angrep på politiet med bensinbomber, stein, murstein, flasker og fyrverkeri.
Politiet har svart med vasskanonar og tåregass, og det er store styrkar frå opprørspolitiet i området.
(Saka held fram)
Bråk om flagging
Raseriet blant lojalistane i Nord-Irland kjem etter at bystyret i Belfast avgjorde at unionistflagget, altså flagget som symboliserer unionen mellom Nord-Irland og Storbritannia, ikkje lenger skal hengje utanfor rådhuset 24 timar i døgnet.
Etter eit nytt vedtak skal flagget berre heisast på spesielle høgtidsdagar.
Demonstrantar greidde å skape kaos i rushtrafikken i Belfast i ettermiddag.
Den største demonstrasjonen var i bydelen Dundonald i det austlege delen av byen, der over 500 menneske deltok.
Det har også vore demonstrasjonar i andre nord-irske byar som Ballyclare, Limavady og Lisburn, men her har det meste gått roleg føre seg.
- LES OGSÅ:
Truga på livet
Førre veke vart parlamentsmedlem for Aust-Belfast, Naomi Long, truga på livet, og har hatt ein politipatrulje stasjonert utanfor huset sitt sidan. Ho er medlem av Alliance Party, som stemte for å avgrense flagginga.
Ho reagerer sterkt på hendingane måndag.
– Det er ingen unnskyldning for åtak på politiet eller folkevalde, seier ho til BBC.
– Me treng respekt for loven og den demokratiske prosessen, om Nord-Irland skal bevege seg framover. Me treng dette omgåande, før liv går tapt, seier ho.
Mange er no bekymra for at spenningane mellom lojalistar og nasjonalistar, det vil seie, dei som vil høyre til Storbritannia og dei som vil høyre til Irland respektivt, blir forsterka.
- LES OGSÅ:
- LES OGSÅ: