Det er det sørkoreanske nyheitsbyrået Yonhap som melder at ein amerikansk statsborgar vart arrestert på flyplassen i Pyongyang i dag, på veg ut av landet. Mannen blir identifisert som Tony Kim, og han skal vere ein professor i 50-åra.
Han har vore i Nord-Korea i ein månad for å undervise i rekneskapsføring ved Pyongyangs universitet for vitskap og teknologi, ifølgje Reuters.
Hardt straffarbeid
Frå før er minst to andre amerikanske statsborgarar arresterte i det lukka landet.
vart i januar i fjor dømd til 15 års hardt straffarbeid for å ha prøvd å stele med seg eit propaganda-skilt frå hotellet han budde på.ein 62 år gammal amerikansk statsborgar fødd i Sør-Korea, dømd til 10 års hardt straffarbeid for spionasje.
USA har tidlegare skulda nordkoreanske styresmakter for å halde amerikanske borgarar som gislar.
USAs utanriksminister Rex Tillerson, som er på besøk i Asia, opplyser at hangarskipet USS «Carl Vinson» er på veg til farvatna utanfor Nord-Korea. Det er uklart akkurat kvar hangarskipet og fleire støttefartøy er akkurat no, men visepresident Mike Pence sa i går at det vil kome fram i løpet av eit par dagar.
– Vise vår militære styrke
I avisa til det nordkoreanske kommunistpartiet, Rodong Sinmun, står det i dag følgjande:
– Dei revolusjonære styrkane våre er i stand til å senke eit amerikansk atomdrive hangarskip med eit einaste angrep. Avisa samanliknar marinefartøyet med eit udyr, og skriv at eit øydeleggjande angrep på hangarskipet vil vere ein glimrande måte å vise landet sin militære styrke på.
Denne artikkelen var likevel ikkje hovudoppslag i Rodung Sinmun i dag. Dei to første sidene i avisa var vigd til ein storstilt reportasje om leiaren Kim Jong-un sitt besøk på ein stor grisefarm (sjå bilete over).
Det er frykt for at Nord-Korea i løpet av kort tid skal gjennomføre ein ny atomtest. Landet har tidlegare gjennomført fem slike testar, to av dei i fjor. Nord-Korea-kjennarar trur landet alt har greidd å lage atomvåpen, men at dei enno ikkje har teknologien som skal til for å utstyre rakettar med slike våpen.
Truar Australia
USAs nye president Donald Trump har gjort det klart at Nord-Korea aldri skal bli i stand til å skaffe seg våpen som kan nå USA, og at alle alternativ er på bordet for å hindre det.
Nord-Korea har i dag også
, om ikkje dei endrar politikk overfor Pyongyang