– Putin gjorde det fordi han ikkje kunne ta knekken på han, sa Navalnaja då ho deltok på EUs utanriksministermøte i Brussel måndag.
Navalnaja seier at russiske styresmakter gøymer liket til mannen.
– Grunnen er at dei har forgifta han med nervegifta Novitsjok og ventar med å frigje liket til gifta er ute av kroppen hans, seier ho.
Den verste nervegifta
Novitsjok er blitt kalla den verste nervegifta som finst i verda, og blei blant anna brukt til å forgifte Navalnyj i 2020 og den russiske avhopparen Sergej Skripal og dottera hans i Salisbury i Storbritannia i 2018. Begge overlevde.
Kreml er skulda for å stå bak forgiftinga for seks år sidan.
Dette er truleg det siste biletet som er tatt av Aleksej Navalnyj. Den russiske opposisjonsleiaren deltok digitalt på eit rettsmøte torsdag. Dagen etter døydde han.
Foto: APVil vidareføre arbeidet hans
Navalnaja seier ho vil halde fram med det arbeidet mannen har gjort, og ber det russiske folket om å stå opp mot Putin sitt regime.
– Ikkje gje opp, seier Navalnaja i ein video publisert på X måndag.
Russiske styresmakter sa tidlegare måndag at Vesten sin reaksjon på Navalnyjs død er uakseptabel.
Ein talsperson sa også at etterforskinga vil halde fram i tråd med russisk lov, men at dei ikkje har nokon resultat klare enno.
Navalnyj sin familie har kravd å få liket utlevert. Navalnyj si mor har oppsøkt likhuset nær fengselet fleire gonger. Men styresmaktene sin talsperson seier måndag at eventuell utlevering ikkje er ei sak for dei.
Aleksej Navalnyj i retten i Moskva i september 2018.
Foto: Pavel Golovkin / APKan ta 14 dagar
Dødsfallet blei kjent fredag. Då kunngjorde fengselsstyresmaktene i Jamal-Nenets, der Navalnyj var fengsla, at den kjende opposisjonspolitikaren hadde mista livet under ein spasertur.
Dagen før var 47-åringen tilsynelatande i fin form og spøkte og lo via ei videooverføring i eit rettsmøte.
Russiske styresmakter sa fredag at dei ikkje har informasjon om dødsårsaka, men at dødsfallet blir undersøkt av fengselsstyresmaktene.
Måndag ettermiddag sa fleire tidlegare medarbeidarar av Navalnyj at det vil kunne ta 14 dagar å finne dødsårsaka.
Kritikk mot krigen i sosiale medium gjorde at Olesia hamna på Vladimir Putins terrorliste. Det kostar å trosse Russlands mektige mann. Programleiar er Eline Buvarp Aardal.
Få timar før Navalnyj døydde, var det uvanleg aktivitet i straffekolonien IK-3 i Kharp, der han sat fengsla, ifølgje avisa Novaja Gazeta.
Blant anna skal fangane ha blitt låst inne på cellene sine, ha høyrt bilar køyre inn seint på kvelden og neste morgon fått cellene gjennomsøkt.
