Det viktigaste tiltaket er, ifølge svenske Dagens Industri, å legge til rette for at dei svenske veljarane får god informasjon på sosiale medium.
Facebook har i samarbeid med dei politiske partia prøvd å gjere partiprogramma meir konsise og synlege på Facebook, samtidig som dei har sett inn ressursar for å blokkere falske kontoar og falske nyheiter.
– Vi kan aldri gjere nok, men det vi kan gjere er å forsøke å ligge eit steg føre og identifisere mønster som viser at nokon gjer noko feil, seier Facebooks europadirektør for politiske spørsmål, Sean Evins til Dagens Industri.
- LES: «Alt-right» vil påvirke valget i Sverige
- LES: Russisk innblanding i USA-val
- LES: Wallström vil ikke la Trump få lyve om Sverige
Svensk sikkerheitspoliti: – Fleire forsøk på å påverke valet
Det svenske sikkerheitspolitiet seier til Sveriges Radio at dei opplever ein auke i forsøka på å påverke valet i Sverige ved hjelp av cyberangrep.
Det er snakk om angrep på myndigheiter eller organisasjonar tilknytt valet.
– Vi ser ein auke samanlikna med 2014. Det kan vere elektroniske angrep, falske kontoar, men også det å spreie internasjonale mediesaker der Sverige blir sett i eit perspektiv der vi er eit kaosaktig land, seier Linda Eschar til Sveriges Radio.
Financial Times: – Auke i falske twitterkontoar
Totalforsvarets forskningsinstitut åtvara onsdag om at talet på sokalla Twitter-robotar som diskuterer svensk politikk, har auka med 40 % frå juli til august, skriv Financial Times.
Avisa skriv at Russland blir sett på som ein fare, sjølv om det ikkje er spesifikt nemnt i rapporten til forskingsinstituttet.
Der er det analysert 600.000 twittermeldingar frå meir enn 45.000 kontoar. 47 % viste sympati for dei innvandringskritiske Sverigedemokraterna, mot 28 % av dei ekte kontoane.
