Det får NRK opplyst frå kjelder.
Men varaordføraren vil ikkje bekrefte dette til NRK.
– Den avgjersla er ikkje tatt, så det kan eg ikkje kommentere, seier Erling Moe.
Heller ikkje ordførar Kent Ranum vil kommentere noko.
– Ingen ting er klart før alt er klart, seier Ranum.
Ranum held fram som ordførar også når parlamentarismen skal innførast i byen.
Parlamentarisme
Etter planen skal byråd innførast i Trondheim 13. juni.
Då går byen frå den såkalla formannskapsmodellen over til parlamentarisme.
Det er Høgre, MDG og Venstre som dannar det nye byrådet, også kalla byregjering.
– Det har vore forhandlingar oss imellom. Med base i sentrum-høyre plattforma er vi einige om at det er vi tre partia som dannar byrådet.
Det sa Kent Ranum då avtalen mellom dei tre partia var på plass i mars.
Kor mange fagbyrådar som skal oppnemnast i Trondheim er ikkje kjent på noverande tidspunkt.
I Oslo og Bergen er det sju byrådar inkludert byrådsleiaren.
Dahlberg Hauge blir byrådsleiar
Tidlegare Frp-politikar Kristian Dahlberg Hauge blei i førre veke presentert som ny byrådsleiar i Trondheim.
Han har sidan 2021 vore nærings-, miljø- og samferdselsdirektør i Trondheim kommune, men fråtrer denne stillinga umiddelbart.
– Det er ei stor og viktig oppgåve som eg føler meg motivert til å ta fatt på. Det var umogeleg å seie nei til ei sånn oppgåve, sa Hauge då han blei presentert i ny rolle.