Ja eller nei til Trondheim, det er spørsmålet

Skal dei 6000 innbyggarane i innlandskommunen på høgdene sør og aust for Trondheim ta steget og bli ein del av storbyen? Ja eller nei til å bli del av ein storby, er spørsmålet.

Førehandsrøyste kan dei gjere kvar dag på kommunehuset fram til 9. mai.

Folkerøystinga er ikkje før da, men innbyggarane skal få godt høve til å røyste, sjølv om dei ikkje har høve til å møte fram på dagen, seier politisk sekretær i Klæbu kommune, Steinar Lianes.

Same prosedyre som ved val

– Vi freister å legge opp til at folk kan ha same moglegheit til å røyste i eit slikt spørsmål som under vanlege val, seier han.

Derfor vil det også bli ope vallokale to veke-kveldar og ein laurdag framover, attåt at ein kan gå på kommunehuset mellom klokka 8 og klokka 15 kvar dag.

Les her om når du kan røyste i Klæbu.

Ein kan også ringe og be om å få røyste heime, og er ein ikkje i bygda, verken i perioden for førehandsrøysting eller på avrøystingsdagen, kan ein også røyste via brev til kommunehuset heime. Ei brevrøyst er det visse bestemte reglar for, men dei finn ein på heimesida til kommunen.

Les her korleis du kan levere brevrøyst.

Måndag kveld er det folkemøte der alle som vil kan møte fram og seie si meining til andre klæbygg, samt få høyre kva kommunane har komme fram til i arbeidet. På møtet vil dei få høre ordførar Rita Ottervik i Trondheim og Klæbu-ordførar Kirsti Tømmervold.

Den siste innrømmer et det er liten mot stor. Klæbu med sine 6.000 innbyggarar mot Trondheim sine 186.000. Men Tømmervold ser store føremoner med samanslåing:

– Det er klart at Trondheim kommune med ein mye meir robust økonomi enn oss, kan hjelpe oss. I Klæbu står vi framfor store investeringar, vi må ha ny sjukeheim, og vi skal bygge på skolen vår. I tillegg står vi framfor eit stort kommunalteknisk løft til 180 millioner kroner, fortel ordføraren, som har fått sikring i intensjonsavtalen i alle fall for sjukeheimen. Det var avgjerandre for at ho skulle gå inn for samanslåing, seier ho til NRK.

Klæbu vil auke byens folketal med 3 prosent

Skal dei bli ein del av byen, vil klæbyggen utgjere 3,2 prosent av innbyggartalet i storbyen. Det bur langt fleire i dei store drabantbyane ein må gjennom for å komme til Klæbu, enten ein kjører via blokkbyane på Heimdal, eller gjennom Risvollan, for å komme til den noverande bygrensa.