Ut på bilferie i sommar? Her kjem dei beste tipsa for turen

Denne sommaren kjem nok mange til å sette seg bak rattet for å ta ferien i eige land, skal me tru tala frå NHO Reiseliv.

• Kom med dine beste bilferie-tips nederst i saka.

På grunn av den svake krona er det nemleg forventa at fleire kjem til å halda seg her i Noreg, framfor utanlands i ferien. Og plassar som Troms og Finnmark, Nordland, Vestland og Agder er høgt oppe på reiselista til folk.

Men kva skal du tenke på viss du vel bilferie i år?

Me har teke ein prat med tre ekspertar som alle bruker mykje tid i bilen sin på tur rundt i Noreg. Dei har alle reist på bilferiar i fleire år, og deler av erfaringane sine på blant anna Instagram.

Dette bør du ha i bilen

• Godt med kler. Både ulltruser og dunjakker, sjølv på sommaren.
• God mat.
• Batteriladar til bilen.
• Førstehjelpsutstyr
• Telt og anna utstyr du kan trenge på turen.

– Eg er fantastisk god til å tenke «den dingsen får eg sikkert bruk for», noko eg som oftast ikkje gjer. Men eg bruker å lage ei liste over kva eg skal gjere om sommaren, og då veit eg meir om kva eg treng i bilen og ikkje, seier John.

Det same gjer Ida. Ho lager seg ofte ei pakkeliste for sommaren og ei for vinteren. I tillegg til ein turbag som alltid ligg klar i tilfelle ho vil dra på ein spontan tur.

Kvar kan ein sove?

• Hugs allemannsretten.
• Sjå etter skilt som seier at det ikkje er lov å campe eller parkere der.
• Bruk kart og satellittbilete for å sjå om du finn fine plassar der.
• Viss du køyrer forbi plassar du synest er fine, lagre plassen på kartet, så kan du reise tilbake dit ein annan gong.
• Ikkje leit etter soveplass på tom mage. Viss ein er svolten og har kort lunte kan det blir ekstra tungt å leite etter ein plass å slå leir.

Les også Biltur med barn? – Ta ned ambisjonene og involver barna

Matlaging

• Det meste av det du lager heime, kan du òg mekke på primus eller gassbrennar. Så du treng ikkje kjøpe pakkar med turmat i butikken.
• Tenk enkelt. Ikkje lag rettar der du treng ein drøss koppar og kar.
• Lag ein matplan for turen. Då er det enklare å ta med dei rette ingrediensane heimanfrå.
• Pakk ned maten i boksar, så har du kontroll på alt.
• Kos deg med matlaginga. Unn deg noko digg.

Do og dusj?

• Du kan gå på do ute, men hugs å grav det ned og ta med søppel tilbake viss du må nummer to.
• Bensinstasjonar og campingplassar har ofte både dusjar og do ein kan låne eller leige. Berre hugs dusj-sko.
• Mange rasteplassar har og toalett.
• Du kan og få skylt deg i elver og innsjøar langs vegen viss du er gira på eit litt forfriskande bad.

Les også Syv tips for en mer miljøvennlig bilferie

Hund på tur

• Ha med nok utstyr til hunden din.
• Ta med førstehjelp og eventuelle medisinar dei kan trenge.
• Ta med litt ekstra god mat i tilfelle dei blir litt matlei.
• Det kan bli veldig varmt i bilen, så pass på at du har ein plass hunden kan vera der det er svalt.
• Tenk på kva aktivitetar du skal drive med. Kan hunden vera med på desse?
• Ha med pledd eller sovepose til hunden viss den ikkje har tjukk nok pels.
• Ha med potesokkar eller liknande viss hunden skal inn i teltet så klørne ikkje øydelegg teltduken.
• Hugs vatn. Ikkje sats på at det er vatn der dykk skal gå tur.

Les også Lofoten blir først ut med bæsjeposer for mennesker

Reis sporlaust

• Du er plikta til å plukke opp etter deg.
• Ikkje la det ligge igjen dopapir eller våtserviettar.
• Alt du tek med deg ut i naturen, skal du ta med tilbake.
• Tenk over kvar du set opp bål og rydd opp etter deg.

Kom med dine beste bilferie-tips: