– Ei rettferdig deling, arbeid til alle og satsing på fellesskapsløysingar var viktg for meg då eg valte parti, seier Arbeiderpartiets 2. kandidat i Sør-Trøndelag Gunn Karin Gjul til NRK Trøndelag.
Dei neste fire åra vil Gunn Karin Gjul som opphavleg kjem frå Ørlandet kjempe å nå klimamålet.
– Eg vil sørge for at dei ambisiøse klimamåla om å vere karbonnøytral i 2030 blir omgjort til praktiske handlingar i Noreg, seier Gjul.
Fokus på skule
Når ho skal velje samarbeidspartnarar på Stortinget er det fleire saker som er viktige.
– Eg samarbeidar med parti som vil bruke pengar på skule, helse og omsorg i staden for skattelette. Eg vil helst halde på det raudgrøne samarbeidet med Sosialistisk Venstreparti og Senterpartiet.
Kva parti vil du samarbeide minst med?
– Høgre og Framstegspartiet.
Positiv til bom
Gunn Karin Gjul syns det er greit å finansiere vegutbygginga i Trøndelag med bompengar for å få fortgang.
– Bompengefinansiering av vegane på Fosen er initiert frå næringslivet og kommunane på Fosen nettopp med ei grunngjeving om at det vil vere den einaste mulege måten å få bygd nye vegar på i løpet av kort tid.
Ja til rovdyr
Vil du ha meir eller mindre rovdyr i Trøndelag? Kva er ditt syn i rovdyrpolitikken?
– Eg støttar dagens rovdyrpolitikk der vi ønskjer levedyktige stammer av alle dei fire store rovdyra i Noreg.
Kva meiner du om å slå saman kommunar i Trøndelag?
– Eventuelle kommunesamanslåingar må skje frivillig. Kommunane må sjølv ønskje det, seier Gjul.
Send epost til
Møt Gunn Karin Gjul på
Besøk Gunn Karin Gjuls
og
