Dei nest mest gavmilde i Trøndelag bur i Namsskogan kommuner.
Der bladde kvar innbyggarane opp over 108 kroner i snitt.
Dei to nordtrønderske kommunane er også blant dei ti beste i Noreg. Røyrvik på ein åttandeplass, mens Namskogan plasserer seg på plassen bak.
I alt er det klokka 0900 mandag morgon samla inn 188 661 252 kroner.
– Heile Trøndelag arbeidde som eit team og vi greidde å skapa noko som er mykje større enn vi hadde greidd kvar for oss. Vi fekk eit utruleg bra resultat, seier Rannveig Naustvoll, som er fylkesaksjonsleiar i Trøndelag, til NRK Trøndelag.
Ny rekord i Trondheim
Trondheim sette i år ny rekord og samla inn fem millionar kroner. Innbyggarane i byen er med det dei nest mest gavmilde i storbysamanheng.
Dei gav i snitt 39 kroner per snute og er berre slått av Stavanger der innbyggarane gav 53 kroner i snitt.
Byen stilte også med fullt lag av bøssebærarar.
– Vi skulle ha 1 500 bøssebærarar og det greidde vi. Studentane spelte ein stor rolle i denne samanheng, seier generalsekretær i CARE, Marthe Gerhardsen.
Kreative elevar
Fleire stader i Trøndelag laga skular til arrangement for å samle inn pengar til TV-aksjonen CARE.
Det blei helde basarar, konsertar, auksjonar og tombolaer for å få inn pengar.
– På Vik-Bessaker skole blei det rekna ut at 13 elevar samla inn 670 kroner kvar i snitt, seier Naustvoll.
Mange på ferie
Fleire av leiarane i dei ulike kommunane i Trøndelag meldte tilbake at det var mykje folk som ikkje var heime då bøssebærarane banka på døra.
– Eg trur haustferien i Sør-Trøndelag har spelt inn fleire plassar, seier Naustvoll.
Ho understrekar at det framleis ikkje er for seint å gi pengar. Det er ulike måtar å støtte TV-aksjonen på dei nærmaste vekene.
- Ring 820 44 110 og du gir kr 200,- . Gåva blir trekt frå telefonrekninga di.
- Kjøp eit verdikort til 100 kroner i ein Rema 1000-butikk.
- Gå inn på sine nettsider og gi opp det beløpet du ønskjer å støtte med. Beløpet blir trekt rett frå kontoen din.