– Me er her for å utvikla norsk antarktis-forskning, seier leiar for Polarinstituttet, Camilla Brekke.
For andre året på rad sender Norsk Polarinstitutt ein forskingsdelegasjon til Troll-stasjonen i Dronning Maud Land, i samband med bygging av ny forskingsstasjon.
Den gamle stasjonen er nedsliten og utrangert.
Regjeringa vedtok derfor i mars 2023 at den eksisterande stasjonen skal erstattast av eit nybygg med plass til 65 forskarar og besøkjande.
Når den nye forskingsstasjonen står ferdig i 2032, må òg ei ny generasjon av antarktisforskarar vere klar.
Troll forskingsstasjon i mørket.
Foto: Anders VangenSkal byggja «Nye troll»
– Stasjonen er i dårleg tilstand. Den har stått i 20 år i eit krevjande og tørt klima, seier Kjersti Bjørnstad, statssekretær i Klima- og miljødepartementet.
Statsbygg og Norsk Polarinstitutt har fått i oppdrag å førebu forprosjektet.
Fredag landa derfor forskarar og tilsette i Statsbygg, saman statssekretæren, i samband med førebuingane for oppstart av forprosjektet.
Norsk Polarinstitutt driv forskingsstasjonen som ligg i Jutulsessen i Dronning Maud Land, cirka 235 kilometer frå kysten.
Stasjonen vart opna av Hennes Majestet Dronning Sonja i 2005. I eitt TV-sendt intervju i jula 2015 vitsa kongen med dronninga, då ho fortalde om hennar besøkt på stasjonen.
Klippet frå TV-innslaget gjekk viralt i internasjonale medium.
Kong Harald spøkte med dronning Sonja då ho fortalde om besøket til Antarktis-stasjonen Troll.
Vil skapa engasjement
I tilknyting til forskingsstasjonen blir ein landingsstripe drifta for fly, som er ein av dei sørlegaste i verda i sitt slag.
I november i 2023 landa det ein Boeing 787 Dreamliner full av forskarar og forsyningar., Dette var det største flyet som nokon gong hadde landa på isen ved Troll-stasjonen.
Camilla Brekke håpar engasjementen for forsking i Antarktis skal smitta over på tilsette i Polarinstituttet:
– Me skal byggja opp ein ny generasjon med antarktis-forskara til stasjonen når han står klar, fortel ho.
Statssekretær Kjersti Bjørnstad gler seg over arbeidet med ny norsk forskingsstasjon i Dronning Maud Land.
– Det er viktig at Noreg er med og leverer ny og relevant kunnskap om klima og miljø. Det er også viktig at me forvaltar dette flotte området i tråd med Antarktistraktaten, seier ho.
