– Dette må vere vondt for det svenske folket å sjå. Det svir noko ekstremt. Vi gjorde ein fantastisk kamp. Alle jobba og sleit, sa Sveriges Emil Forsberg til FIFA etter kampslutt.
Han hadde rett i det. Men det hjelpte lite då Tyskland fekk frispark like utanfor 16-meteren i det 95. minutt. Real Madrid-stjerna Toni Kroos skrudde ballen i det lengste hjørnet.
– Eit nydeleg frispark med innsida av høgrefoten, sa NRK-ekspert Morten Morisbak Skjønsberg.
Dermed 2–1 og ein kjempenedtur for svenskane.
– No er svenskane kjempeskuffa. Dei leverte ein heiderleg innsats, sa Skjønsberg.
– Det var eit fantastisk mål av Kroos. Vi spelte sjølv ein fantastisk kamp. Det er kjedeleg at vi ikkje klarer å ro dette i land, sa Sverige-kaptein Andreas Granqvist til FIFA.
Boateng utvist
Dei blågule hadde nemleg spelt ein veldig god første omgang og leia 1–0.
Men berre tre minutt etter kvilen slo Tyskland tilbake. Timo Werner fann Marco Reus, som sette inn 1–1 frå kort hald.
Vidare skapte Tyskland ei rekkje store sjansar utover i omgangen, utan å klare å omsetje dei i scoringar.
Meir dramatikk vart det då Jérôme Boateng vart utvist etter 82 minutt – som følgje av to gule kort.
På 1–1 kunne det ha gått begge vegar. Innbytar Mario Gomez var svært nær 2–1 etter 88 minutt.
Så kom altså scoringa fem minutt på overtid.
Den tidlegare engelske storscoraren Gary Lineker sa i si tid at fotball er eit spel med 11 spelarar på kvart lag – der Tyskland vinn til slutt. I dag vann Tyskland fem minutt på overtid, men med ti mann på bana. Toni Kroos stod for den avgjerande scoringa.
Foto: MICHAEL DALDER / Reuters– Eit svensk vedunder
1. omgang var eit mareritt for Tyskland – og tilsvarande ein draum for svenskane. Ikkje minst då «blågult» tok leiinga i det 32. minutt.
SJOKKERTE TYSKLAND: Ola Toivonen sende Sverige i leiinga i det 32. minutt. Om det hadde stått seg hadde Tyskland vore ute av VM allereie.
Foto: FRANCOIS LENOIR / ReutersOla Toivonen fekk ein ball frå Viktor Claesson. Toivonen tok ned ballen med brystkassa før han i duell med Jérôme Boateng lykkast i å løfte ballen over Manuel Neuer i Tyskland-buret.
– Det er eit svensk vedunder på midtsommardagen. Tyskland er sjokkerte. Heile Sverige står stille. Ola Toivonen er Sveriges mest populære mann akkurat no, sa NRK-kommentator Olav Traaen.
Sjå høgdepunkta frå kampen her:
Tyskland med sjanse, men i offside
Tyskland med sjanse, men i offside
0:20Kroos scorer på frispark
0:16Toivonen sender Sverige opp i ledelsen
0:18Tyskland får en sjanse
0:08Tyskland utligner
0:23Tyskland nær ved å gå opp i ledelse
0:27Berg alene med keeper
0:17Forsberg får en sjanse
0:14Boateng får rødt kort
0:28Enorm sjanse til Tyskland
0:22For en sjanse for Tyskland!
0:25Sjanse til Sverige på overtid
0:10
Snytt for straffe?
Det hadde også vore svært dramatisk i Sotsji før scoringa.
Etter eit hektisk Tyskland-press i opningsminutta slo brått Sverige kontra i det 12. minutt. Marcus Berg kom åleine mot Manuel Neuer i Tyskland-buret.
Det var klar kontakt mellom Berg og Jérôme Boateng før avslutninga gjekk rett på Neuer. I alle tilfelle var Boateng nok borti Berg til at Sverige-spissen kom i ubalanse då han skulle avslutte.
«Alle» venta på at Szymon Marciniak skulle nytte seg av VAR-systemet for å sjå situasjonen på nytt. Men den polske dommaren tok ikkje denne moglegheita – noko som fekk mange til å reagere, mellom dei Hanna Marklund i TV4 sitt studio.
– Det der var straffe. Boateng er jo ikkje på ballen der, sa Marklund – på dagen 20 år etter det legendariske straffesparket Norge fekk i Marseille.
Mange meinte at Marcus Berg skulle ha hatt straffe etter duellen med Jérôme Boateng. Berg kom i ubalanse. Avslutninga hans vart redda av Manuel Neuer.
Foto: FRANCOIS LENOIR / Reuters– Det blir ein fantastisk kamp
Før siste runde i gruppe F har Mexico seks poeng, medan både Tyskland og Sverige har tre. Tyskland skal møte poenglause Sør-Korea.
– Sverige mot Mexico blir ein fantastisk fotballkamp. Det er to lag med heilt forskjellige spelestilar. Eg trur Sverige kan ta dei, sa Sven-Göran «Svennis» Eriksson, tidlegare England-trenar, til TV2.
